តឹង​ទ្រូងណាស់ខ្ញុំ

នឹកស្មានថាបានលុយរង្វាន់លើកទឹកចិត្តពីការរៀនបានពិន្ទុល្អ ដោយការខំប្រឹងប្រែងអស់សាច់ អស់ឈាមនឹងបានសប្បាយចិត្ត

នៅថ្ងៃនេះ តែវាបានធ្វើអោយខ្ញុំវាយតំលៃចំពោះខ្មែរគ្នាឯងទៅវិញ ។

និយាយពីដើមរឿងមកវិញ នៅថ្ងៃទី 10 ខែ 12 ឆ្នាំ 2010 នេះស្ថានទូតបានធ្វើកម្មវិធីមហាសន្និបាទលើកទី 20 នៅទីក្រុងហាណូយ

ដែលក្នុងនោះមានកម្មវិធីមួយគឺកម្មវិធីចែកប័ណ្ណសសើរដល់និស្សិតដែលរៀនបានពិន្ទុល្អប្រចាំឆ្នាំ ហើយក្នុងនោះក៏មានរង្វាន់លើក

ទឹកចិត្តសំរាប់អ្នកដែលបានប័ណ្ណសសើរដែរ ។​ ពួកខ្ញុំគិតថាលុយដែលបានមកពីការលើកទឹកចិត្តនោះ នឹងយកមកធ្វើកម្មវិធីជប់

លៀងតូចមួយ ដើម្បីអបអរដល់និស្សិតដែលខិតខំរៀនទាំងអស់ ។ ខ្ញុំសូមនិយាយតទៀត លុយដែលបានប្រមូលពីរង្វាន់លើកទឹក

ចិត្តនេះបានប្រហែលជាងមួយលានដុង អាចយកមកផឹកបៀសប្បាយបានត្រឹមគ្នា 20 នាក់ ។

តែរឿងដែលហូសចិត្តសំរាប់ថ្ងៃនេះគឺគេគ្មានទុកប្រធាននិងអនុប្រធាននៅក្នុងកែវភ្នែកសូម្បីតែបន្តិចសោះ គេផឹកហើយបោកដប

នៅនឹងមុខ ពិតជាយ៉ាប់មែនខ្មែរយើង រៀនសុទ្ទតែថ្នាក់ឧត្តមអស់ហើយ គ្មានការយល់ដឹងសូម្បីតែបន្តិចសោះ ខ្ញុំមិនចង់វាយតំលៃ

ទេ ព្រោះខ្ញុំក៏ជាខ្មែរដែរ ។

បងប្អូនគិតមើលលុយយើងខំប្រឹងរៀនគ្មានបានដេកបានពួន យកមកគិតថានឹងបានប្រារព្ធកម្មវិធីសប្បាយ ហើយក៏ជាពិធីមួយ

ដែលខ្មែរយើងយកឈ្នះលើយូនក្នុងការសិក្សា តែគេគិតគ្មានយល់អីសូម្បីតែបន្តិច តើពួកនោះគេបានគិតពីចរិតជាខ្មែរដែរឬទេ??

ថ្ងៃនេះគេរកវាយខ្ញុំទៀតព្រោះតែខ្ញុំចង់ការពារកុំអោយចរិតដ៏ថោកទាបនេះបង្កដល់អ្នកដទៃ ។

តើខ្ញុំធ្វើនេះខុសឬ ?? ពីដើមដល់ចប់ខ្ញុំខំរក្សាតំលៃខ្មែរយើងមិនដែលអោយខ្មែរយើងអាប់មុខសូម្បីតែបន្តិចសោះ តែវាផ្ទុយគ្នាស្រឡះ

នឹងការគិតរបស់ខ្ញុំថ្ងៃនេះ ពិតជាតឹងទ្រូងណាស់ខ្ញុំ ។ បើត្រឹមតែនិស្សិតឆ្នាំទី 1 ឬ ទី 2 ខ្ញុំមិនថាទេ តែនេះជានិស្សិតឆ្នាំទី 5 ទៅហើយ

ខ្ញុំមិនយល់ទេ ខ្ញុំនិយាយតែមួយឃ្លាគឺខ្ញុំតឹងទ្រូងណាស់ ខ្ញុំចង់តែទាញឈើបួនជ្រុងយកទៅវ៉ៃខ្មែរគ្នាឯងទេ ព្រោះតែគេបានធ្វើអោយ

គ្នាខ្ញុំពិបាកយ៉ាងច្រើន គឺមិនអាចដោះស្រាយបាន ។

បើសិនជាអ្នកបានអញ្ជើញភ្ញៀវមកផឹកស៊ីក្នុងលក្ខណៈកិត្តិយស់ តែពេលគេស្រវឹងតិចៗគេបោកដបបោកពែងនៅមុខអ្នកតើអ្នកនឹង

មានអារម្មណ៍យ៉ាងណា ??

ខ្ញុំតឹងទ្រូងណាស់ព្រោះខ្មែរគ្នាឯង